DOSPRADZATS DI GIONJ

Ακολουθούν οι στίχοι του τραγουδιού:

cãnticu di zãmani/ancient song

Dosprãdzats di gionj lãi gione,
Anchisirã ‘n Poli.

Anchisirã’n Poli lãi gione,
Luarã sh’pritu amari.

Luarã sh’pritu amari lãi gione,
Lj’acãtsã sh’furtuna.

Lj’acãtsã sh’furtuna lãi gione,
Lã si’arupsi sh’pãndza.

Lã si’arupsi sh’pãndza lãi gione,
S’arcuti sh’cãravea.

S’arcuti sh’cãravea lãi gione,
Greashti sh’capidanlu.

Greashti sh’capitanlu lãi gione,
Gionj, nu v’aspãreats!

Gionj, nu v’aspãreats lãi gione,
Nu mutrits cãravea.

Nu mutrits cãravea lãi gione,
Ma plãndzets giunamea!

Plãndzets’vã giunamea lãi gione,
Cã va vã anicats.

Sh’multi feati va s’armãnã lãi gione,
Sh’multi ‘nveasti va s’plãngã.

Sh’multi ‘nveasti va s’plãngã lãi gione,
Mãmãnjli tu lai.

(Από ένθετο)